मगही मनभावन

मगध विश्विधालय स्नातकोत्तर मगही विभाग के प्रथम स्थापना दिवस समारोह                                          पर एगो रिर्पोट 10 सितमबर 2011 के मगध विश्विधालय स्नातकोत्तर मगही विभाग के प्रथम स्थपना दिवस मनावल गेल । समारोह अपने आप में खाली स्थापना दिवस नञ , बलूक मगही साहित के उपलब्धि के एगो महान ऐतिहासिक दिवस हल, जेकरा में मगही विभाग के खाली शिक्षके , छात्र आउ कर्मी नञ जुटनथिन, बलूक मगध समेत बिहार आउ झारखंड के मगही के झमटगर- झमटगर साहितकार जुटलथिन । मगही विभाग के अप्पन साल भर के काम- काज के लेखा-जोखा के साथे -साथ मगही साहित पर   साल भर में जे काम होलय, ओकरा देख के आज मगही साहितकार नितरा रहलथिन ह । मगही के हर विधा पर जमके काम होलय । एकर गोवाह ई समारोह में लोकार्पित कैल गेल दरजन भर किताब हे । मगही विभागाध्यक्ष डॉ0 भरत , उनखर पीठ पुरावे वाला साहितकार मिथिलेश आउ उनखर सहयोगी के सगरो बड़ाय आउ साधु...